TEPUNG KADEUDEUP

Wilujeng tepang dina kabungahan manah sareng ati nu kalimpudan ku sukacita, saha nu rek nyangki ka rencana pangeran nu kawasa...ngahijikeun dua hate.

Cunduk waktu ninggang mangsa niti wanci nu mustari Aa ayena ngarasa kakeclakan madu ka keprulan ku menyan bodas...bungah teu alabatan kasireup ku wanoja anu matak kayungyun, ieu meureun nungarana rahasiah hirup teh? Aya hayang biasanamah sok aya sieun,karaguan muncungul kupangalaman saencanna tapi dingan ari geus kana waktunamah ku Allah dibrehkeun, geus jadi guratan nasib jeung takdir hiji mahluk luyu jeung tutulisan ti Loh Mahpudna., enya meureun ku ayana kahayang tea,inget kana omongan kolot sorangan…jelema kudu aya Kahayang, Kadaek jeung Kasieun.

Dina danget ieu manehna mugi jadi kapimilik keur salamina...hatur nuhun gusti, insyaAllah amanat ti anjeun ieu sataker keubeuk ku abdi rek dipusti-pusti jadi jimat hirup abdi da saenya namah ieu teh bakal beurat...dunya jeng aherat. Tapi aya nu bakal leuwih sugema dina ngajalanan sesa hirup kahareup nu bakal dilakonan jeng manehna...pangpang namah ngalengkepan satengah tina ibadah ka Allah jeng tambah jongjon ibadah ker ngaraih kluarga nu sakinah mawaddah...amiiiin,Teu gampang malihara kahirupan teh tangtuna butuh kasabaran,kaikhlasan jeung papada ngarti, kudu sairing saranggaek.